ძალიან ცოტა ადამიანმა თუ იცის, რომ ცილოვანი პროდუქტებიდან ყველაზე მარტივად ასათვისებელი სწორედ კვერცხის ცილაა. ამ ფაქტს ადასტურებს ჯანდაცვის მსოფლიო ორგანიზაციაც. ყველაზე გამოცდილი ექიმები და დიეტოლოგები გვირჩევენ, რომ გავამდიდროთ ყოველდღიური კვების რაციონი ამ ცხოველური წარმოშობის პროდუქტით. თუ რატომ, ამის შესახებ დღეს დეტალურად მოგითხრობთ ჩვენი რედაქცია.
კვერცხის ცილის სასარგებლო გავლენა ჩვენს ორგანიზმზე
განსაკუთრებით სასარგებლო ამ პროდუქტის ყოველდღიურად მიღება 40 წელს გადაცილებული ადამიანებისთვისაა. გამომდინარე იქიდან, რომ მოცემულ პროდუქტს ჩვენი ორგანიზმი სწრაფად და მარტივად ითვისებს, მისი მირთმევის შემდეგ ჩვენ არ გვაწუხებს სიმძიმის განცდა კუჭში.
კვერცხის ცილა შედგება წყლისგან (85%), ცილისგან (12,7%), ცხიმისგან (0,3%) და ნახშირწყლებისგან (0,7%). გარდა ამისა, მის შემადგენლობაში შედის B ჯგუფის ვიტამინები, რაც განსაკუთრებით სასარგებლოა ქალბატონებისთვის. ამ ჯგუფის ვიტამინები სტიმულირებს თმის ზრდის პროცესს, აჯანსაღებს ფრჩხილებს და ხელს გვიწყობს ოპტიმალური წონის შენარჩუნებაში.
კვერცხის ცილა წონის კლებისთვის
უამრავი დიეტოლოგი საკუთარ პაციენტებს საღამოს საათებში კვერცხის ცილის მირთმევას ურჩევს. ეს ოქროს წესი ეხმარება ორგანიზმს ორი უმნიშვნელოვანესი ჰორმონის, სომატოტროპინისა და სეროტონინის გამომუშავებაში და გვამარაგებს ამინომჟავებით, რაც სასარგებლოდ ისახება ჩვენს ზოგად ჯანმრთელობაზე.
გამომდინარე იქიდან, რომ კვერცხი სწრაფად გვანაყრებს და გვინარჩუნებს ამ შეგრძნებას ხანგრძლივი დროით, თანაც მასში მინიმალური რაოდენობით ცხიმები და ნახშირწყლები შედის, ცხოველური წარმოშობის ეს პროდუქტი გვიწყობს ხელს წონის დაკლებაში. დიეტოლოგები ამტკიცებენ, რომ კვერცხის ცილით კვების რაციონის გამდიდრება საუკეთესო გზაა ვესცილარული ცხიმის წინააღმდეგ საბრძოლველად.
სისხლის წნევა
კვერცხის ცილა შეიცავს განსაკუთრებულ ნივთიერებას – პეპტიდს. სწორედ ის გვეხმარება სისხლის წნევის დარეგულირებაში. თუ თქვენ ჰიპერტონიკი ხართ და ხშირად გაწუხებთ წნევა, გაამდიდრეთ საკუთარი ყოველდღიური კვების რაციონი 3 კვერცხის ცილით. ხანმოკლე დროში თქვენ საოცარ ცვლილებებს იგრძნობთ.
ვიდეო დამატებითი ინფორმაციით:
აღსანიშნავია ის ფაქტი, რომ ჭარბი რაოდენობით კვერცხის მიღებამ შეიძლება მიგვიყვანოს ცუდი ქოლესტერინის დონის მატებამდე, რაც საზიანოა გულ-სისხძარღვთა სისტემისთვის.
