სამწუხაროდ, სიბერეს გვერდს ვერ ავუვლით, თუმცა სავსებით შესაძლებელია დაბერების პროცესის შეფერხება, თუ ამ საკითხს გონივრულად მიუდგებით და სხვადასხვა რეკომენდაციების შესრულებას არ დაიზარებთ.
თუ კარგი ჯანმრთელობის, სიმხნევისა და ლამაზი ფიგურის ღრმა სიბერემდე შენარჩუნება გსურთ, რეგულარულად დაუთმეთ მცირე დრო მარტივ ვარჯიშებს, რომელთაც დღევანდელ სტატიაში გაგაცნობთ.
გარდა ფიგურის კორექტირებისა და ნაადრევი სიბერის პროფილაქტიკისა, ეს მსუბუქი ვარჯიშები დაგეხმარებათ დეპრესიის დამარცხებაში და სიმხნევის დაბრუნებაში.
ვარჯიშები ნაადრევი სიბერის პროფილაქტიკისთვის
1. აზიდვები
დაეყრდენით საწოლს ან სკამს, წელი დაიჭირეთ სწორად, ხელები კი გაშალეთ მხრების სიგანეზე. ჩასუნთქვისას მოხარეთ ხელები იმ დონეზე, რომ მკერდით სკამს შეეხოთ, ამოსუნთქვისას კი გაშალეთ ხელები ბოლომდე. დაიწყეთ მინიმალური გამეორებებით და ნელ-ნელა გაზარდეთ ვარჯიშის ინტენსივობა. საერთო ჯამში შეასრულეთ 3 მისვლა, თითო მისვლაზე – მინიმუმ 10 გამეორება. ვარჯიშის შესრულებისას ისუნთქეთ ღრმად და თანაბრად.
2. ჩაჯდომები
დადგით ფეხები მხრების სიგანეზე, გაშალეთ ხელები წინ და ნელ-ნელა ჩაჯექით ისე, რომ წელი არ მოხაროთ და ვარჯიშის შესრულებისას მუდმივად გასწორებული გქონდეთ. ჩაჯექით იმ დონემდე, რომ შექმნათ დაახლოებით 90 გრადუსიანი კუთხე. ჩაჯდომისას ჩაისუნთქეთ ღრმად, ხოლო ადგომისას – ამოისუნთქეთ. საერთო ჯამში შეასრულეთ მინიმუმ სამი მისვლა, თითო მისვლაზე კი – ათი გამეორება. ეს ვარჯიში არა მხოლოდ გაგიმკვრივებთ ფეხის კუნთებს, არამედ თავიდან აგარიდებთ თრომბოფლებიტის განვითარებას.
3. მუცლის პრესის ვარჯიში
დაწექით ზურგზე, ხელები დადეთ იატაკზე და მაქსიმალურა მოადუნეთ. წამოწიეთ ფეხები ისე, რომ შექმნათ დაახლოებით 90 გრადუსიანი კუთხე, შემდეგ კი ნელ-ნელა დაუშვით იატაკისგენ. შეასრულეთ საერთო ჯამში 3 მისვლა, თითო მისვლაზე კი მინიმუმ 10 გამეორება. ამ მარტივ ვარჯიშს აქვს მასტიმულირებელი გავლენა ჩვენს ნაწლავებზე, ნაღვლის ბუშტზე და ხერხემალზე.
დაუთმეთ დღეში სულ რამდენიმე წუთი ამ 3 მარტივ სავარჯიშოს და ხანმოკლე დროში იგრძნობთ ენერგიისა და ძალების მოზღვავებას.
გაუზიარეთ სტატია მებობრებსაც, თუ ეს ინფორმაცია სასარგებლოდ მიგაჩნიათ. გისურვებთ ყველაფერს საუკეთესოს!
