დროთა განმავლობაში ნიჟარისა და აბაზანის მილებში (სიფონში) სხვადასხვა სახის ნაგავი და ჭუჭყი გროვდება. ერთ მშვენიერ დღეს კი ნაგავი ისეთ ზომებს მიაღწევს, რომ წყალი ვეღარ მოახერხებს გავლას. ნუ იჩქარებთ სანტექნიკოსის გამოძახებას და ნუ გაიქცევით მაღაზიაში სხვადასხვა გამწმენდი საშუალებების შესაძენად, რომელთა ქიმიური შემადგენლობა მენდელეევის გაოცებასაც მოახერხებდა.
ჩვენი რედაქცია გასწავლით, როგორ დაამზადოთ მილების გამწმენდი საშუალება სახლის პირობებში. ინგრედიენტები რომლებიც ამ პრობლემის მოსაგვარებლადაა საჭირო, ნებისმიერ დიასახლის მოეპოვება.
ინგრედიენტები:
- 200 გრ გამაფხვიერებელი
- 200 გრ მარილი
- 150 მლ ძმარი
- წყალი
მომზადების და გამოყენების წესი:
1. შეურიერთ ერთმანეთს მარილი და გამაფხვიერებელი
2. ფრთხილად ჩაყარეთ მომზადებული ნაზავი მილში
3. გაათბეთ მცირეოდენი ძმარი და ისიც ჩაასხით მილში. ამის შემდეგ მოხდება ჩვეულებრივი ქიმიური რეაქცია და თქვენი ნაზავი აქაფებას დაიწყებს.
4. შემდეგ ჩაასხით ცხელი წყალი, ეს მოქმედება მილის გამოსარეცხადაა საჭირო. მზადაა! ამის შემდეგ წყალი თქვენს მილში აღარ გაიჭედება.
მეთანხმებით, რომ ეს ძალიან მარტივი ხრიკია?! ჩვენს მიერ შემოთავაზებული ინგრედიენტების კომბინაცია საკმაოდ მარტივად გააქრობს ყოველგვარ დაბინძურებას და ამასთანავე საერთოდ არ აზიარებს მილების ხარისხს. ამასთანავე მილების გაწმენდის ეს მეთოდი არ მოითხოვს დიდ დროს და სპეციალურ ცოდნას, მოწყობილობებს.
