ადამიანის ორგანიზმში მუდმივად განახლების პროცესები მიმდინარეობს. ყველას კარგად მოგეხსენებათ, რომ ჩვენი სხეულის ყველაზე დიდი ორგანო – კანია, რომელიც ხშირად ზიანდება გარემოს მავნე ფაქტორებისგან, რის გამოც მკვდარი უჯრედები იქერცლება და წარმოიქმნება კოსმეტიკური პრობელა, რომელიც ადამიანების უმრავლესობას უდიდეს დისკომფორტს უქმნის. განსაკუთრებით ხშირი ეს მოვლენა შემოდგომა-ზამთრის პერიოდშია.
კანის მკვდარი, აქერცლილი უჯრედების დროულად მოშორებას მნიშვნელოვანი როლი ენიჭება ახალგაზრდობისა და სილამაზის შენარჩუნებაში. სწორედ ამიტომ, დღეს ჩვენი რედაქცია გთავაზობთ ყველაზე მარტივ, ეფექტურ და იაფ მეთოდს მოცემული პრობლემისგან გასათავისუფლებლად. დღევანდელ სტატიაში აღწერილი პილინგ პროცედურა თქვენს კანს საოცარ იერსახეს ხანმოკლე დროში მიანიჭებს.
თქვენ დაგჭირდებათ:
- კალციუმ ქლორიდის 5-10%-იანი ხსნარი (მისი შეძენა ამპულების სახით ნებისმიერ აფთიაქშია შესაძლებელი);
- ბამბის დისკები;
- საბავშვო საპონი.
გამოყენება:
1. გახსენით ამპულა და კარგად დაასველეთ ბამბის დისკი კალციუმ ქლორიდის ხსნარით. დაიმუშავეთ სახე ნელი წრიული მოძრაობებით და მოითმინეთ იქამდე, სანამ სითხე ბოლომდე არ შეგაშრებათ. საერთო ჯამში ეს პროცეუდრა უნდა გაიმეოროთ მინიმუმ 5-ჯერ და მაქსიმუმ 8-ჯერ. სახის კაცლიუმ ქლორიდის ხსნარით დამუშავებისას თქვენ შეიძლება იგრძნოთ მცირეოდენი წვა, რაც სავსებით ნორმალურია. იმ შემთხვევაში, თუ წვის შეგრძნება ძლიერია, დაუყონებლივ ჩამოიბანეთ სახე საპნის გამოყენებით.
2. როდესაც კალციუმ ქლორიდის უკანასკნელი ფენა შეგაშრებათ, დაიტენიანეთ თითის ბალიშები წყლით და გაისაპნეთ საბავშვო ან სარეცხი საპნით.
3. შეუდექით თითის ბალიშებით კანის მსუბუქ დამუშავებას. აკეთეთ ნელი და წრიული მოძრაობები. თქვენ შენიშნავთ, თუ როგორ გიგროვდებათ თითებზე სახის კანის მკვდარი უჯრედები. როდესაც საპონი სახეზე კარგად შეგაშრებათ, კიდევ ერთხელ გაისაპნეთ თითები და შეუდექით იგივე პროცედურას. შემდეგ კარგად ჩამოიბანეთ კანი თბილი წყლით. პროცედურის შემდეგ რეკომენდებულია დამატენიანებელი კრემის გამოყენება, რადგან კალციუმ ქლორიდის ხსნარი აშრობს კანს.
მხოლოდ ერთი პროცედურა სავსებით საკმარისია კანის მკვდარი უჯრედების ასაქერცვლად და მოსაშორებლად. ყოველთვის, როდესაც ამ უსიამოვნო პრობლემის წინაშე დადგებით, აუცილებლად გამოიყენეთ ჩვენს სტატიაში აღწერილი ეს მარტივი პროცედურა, რათა ყოველთვის შეუდარებლად გამოიყურებოდეთ. გისურვებთ ყველაფერს საუკეთესოს!
