სინთეტიკური ვიტამინების ჩანაცვლებაში და ორგანიზმის გაჯანსაღებაში მეფუტკრეობის ღირებული პროდუქტი, ჭეო (ფუტკრის პური) დაგეხმარებათ. ეს გასაოცარი პროდუქტის წყალობით თქვენ სამუდამოდ დაივიწყებთ სააფთიაქო პრეპარატების შესახებ. თუ როგორ და რა მიზნით მივიღოთ ფუტკრის პური, ამის შესახებ დღეს დეტალურად მოგითხრობთ ჩვენი რედაქცია.
ჭეოს დამზადების პროცედურა ასეთია: ფუტკრებს, ყვავილების მტვერი შეაქვთ სკის ჩარჩოთა შორის სივრცეში, შემდეგ გადაიტანენ შეგროვილ მტვერს ფიჭის უჯრედში, დატკეპნიან და ნერწყვით ამაგრებენ მის ზედაპირს (მეცნიერთა მოსაზრებით ფუტკრის ნერწყვს გააჩნია არაჩვეულებრივი შემადგენლობა და განსაკუთრებული ფერმენტი). სხვა ფუტკრები კი მაშინვე გადაასხამენ ამ მასას თაფლს.
ამის შემდეგ იწყება მტვრის გაღვივების პროცესი, რომლის დროსაც ის მდიდრდება E ვიტამინით. შემდეგ მტვერში, რომელიც სამი მხრიდან ფიჭითაა დაგმანული, ზემოდან კი თაფლით, ნერწყვის ფერმენტების გავლენით, მიმდინარეობს მნიშვნელოვანი ქიმიური ცვლილებები. ამ დროს შაქრის ნაწილი გარდაიქმნება რძის მჟავად, რომელიც შესანიშნავად აკონსერვებს მტვრის მალფუჭებად კომპონენტებს.
ბოლო ფაზა, რომელიც უშუალოდ შვილების კვების წინ მიმდინარეობს, ესაა სტრუქტურიზების ოპერაცია, როდესაც ჩაიდება პროგრამა, რომელიც ცოცხალ ორგანიზმზე ზემოქმედებას მოიაზრებს. ამ პროდუქტის მიღების შემდეგ, პაწაწინა ფუტკრებს უყალიბდებათ სისხლწარმომქმნელი და გულსისხლძარღვთა სისტემა, ნერვული, ძვლის სისტემა და კუჭ-ნაწლავის ტრაქტი.
ჩვენი ორგანიზმისთვის საოცრად სასარგებლო ეს პროდუქტი გამდიდრებულია შემდეგი მინერალებით: მაგნიუმი, თუთია, იოდი, რკინა, კალიუმი და ორგანული მჟავები. ჭეო შეიცავს დიდი რაოდენობით D, C, B1, B2, B6, A, P და E ვიტამინებს.
რა შემთხვევაში მივიღოთ ჭეო?
ფუტკრის პური ამაღლებს ჩვენი ორგანიზმის ტონუსს ჰემოგლობინის შემცველობას სისხლში, აძლიერებს იმუნურ სისტემას, თავიდან გვარიდებს ინსულტს და გვეხმარება გულ-სისხლძარღვთა სისტემის დაავადებების დროს. გარდა ამისა, ეს სასარგებლო პროდუქტი მამაკაცებისთვის პოტენციის ბუნებრივი ბიოსტიმულატორია. ფუტკრის პურის მიღება სასარგებლოა ორსულობისა და ბავშვის მკერდით გამოკვების დროსაც. გარდა ამისა, რეკომენდირებულია ჭეოს გამოყენება ნერვული, ენდოკრინული სისტემისა და კუჭ-ნაწლავის ტრაქტის დაავადებების სამკურნალოდ.
ფუტკრის პურის მიღების წესი:
ავიტამინოზი
შემოდგომა-ზამთრის სეზონზე მიირთვით 1 სუფრის კოვზი (20-30 გ) ჭეო ყოველდღიურად, რათა დაამარცხოთ ქრონიკული დაღლილობა, გაიუმჯობესოთ თმისა და ფრჩხილების მდგომარეობა, გაიახალგაზრდავოთ კანი, გაიუმჯობესოთ ძილი და თავიდან აირიდოთ ავიტამინოზი.
პანკრეატიტი
თუ თქვენ კუჭქვეშა ჯირკვლის ეს დაავადება გაწუხებთ, მიიღეთ 1 ჩაის კოვზი ჭეო ჭამამდე 25 წუთით ადრე, ყოველ დილას და საღამოს. მკურნალობის კურსის ხანგრძლივობა – ნახევარი თვე.
ანემია
სისხლში ჰემოგლობინის დონის ასამაღლებლად მოამზადეთ შემდეგი სასმელი: შეურიეთ ერთმანეთში 50 გრამი ჭეო, 200 გრამი ნატურალური თაფლი და 0,5 ლიტრი მდუღარე წყალი. დააყოვნეთ ნარევი 2 დღის განმავლობაში. გაყავით სასმელი 3 ნაწილად და მიირთვით ის დღეში 3-ჯერ, ჭამამდე 30 წუთით ადრე.
გაციება
გრიპის ან გაციების დროს, როდესაც მაღალი ტემპერატურა და ძლიერი ხველა მოსვენებას არ გაძლევთ, მიიღეთ 2 გრამი ჭეო დღის განმავლობაში 3-ჯერ. მოზარდების შემთხვევაში შეამცირეთ ულუფა 0,5 გრამამდე.
კეთილთვისებიანი წამონაზარდები
კისტოზური წამონაზარდები, მასტოპათიები, მიომები – კეთილთვისებიანი წამონაზარდები, რომელთაც ექიმები ქირურგიული ჩარევით კვეთავენ. ფუტკრის პური ხშირ შემთხვევაში ოპერაციის თავიდან არიდებაში გვეხმარება. დღეში 2-ჯერ ჩაწუწნეს ნახევარი ჩაის კოვზი ჭეო ჭამამდე 30 წუთით ადრე. მკურნალობის კურსის ხანგრძლივობა – 3 თვე.
შაქრიანი დიაბეტი
მკურნალობის ამ კურსის ჩატარებისას სისხლში შქრის დონე საგრძნობლად კლებულობს. ჩაწუწნეთ 2 ჩაის კოვზი ჭეო დღეში 3-ჯერ, ჭამამდე 30 წუთით ადრე. ფუტკრის პურის მიღებიდან მომდევნო 30 წუთის განმავლობაში არ მიირთვათ საკვები და არ დალიოთ წყალი.
მაღალი წნევა
შეურიეთ ერთმანეთში ჭეო და ნატურალური თაფლი თანაფარდობით 1:2. მიღებული ნარევი მიირთვით 1 ჩაის კოვზის ოდენობით დღეში 3-ჯერ. მკურნალობის კურსის ხანგრძლივობა – 2 თვე.
სუსტი იმუნიტეტი
იმუნიტეტის გასაძლიერებლად დაამზადეთ შემდეგი ვიტამინური ბომბი: შეურიეთ ერთმანეთში 15 გრამი ჭეო, 1 გრამი ფუტკრის რძე და 200 გრამი თაფლი. მომზადებული ნარევი მოათავსეთ მუქი ფერის მინის ქილაში, რომელსაც მჭიდროდ ეფარება თავსახური და შეინახეთ მაცივარში. იმუნიტეტის გასაძლიერებლად მიირთვით ეს საშუალება 1 ჩაის კოვზის ოდენობით ყოველ დილას, უზმოზე. კურსის ხანგრზლივობა – 1 თვე.
მტვრევადი თმა
დაამზადეთ ფხვნილი 1 სუფრის კოვზი ჭეოსგან და დაასხით მას 1 ჩაის ჭიქა (200 მლ) თბილი წყალი. თმის შამპუნით დაბანვის შემდეგ კარგად გაინაწილეთ მომზადებული საშუალება მთელ თმაზე, მოითმინეთ ორიოდე წუთი და ჩამოიბანეთ წყლით. ამ პროცედურის წყალობით თქვენ შეძლებთ თმის აღდგენას და ქერტლის დამარცხებას.
სახის ნიღაბი
შეურიეთ ერთმანეთში 50 გრამი ჭეო, 50 გრამი თაფლი და 5 გრამი პროპოლისი (დინდგელი). მიღებულ ნარევში ჩაამატეთ იმ რაოდენობით თბილი წყალი, რომ მიიღოთ არაჟნის კონსისტენცია. წაისვით დამზადებული საშუალება სახის კანზე და დეკოლტის ზონაზე. გაიჩერეთ 30 წუთით და შემდეგ ჩამოიბანეთ თბილი წყლით. გამოიყენეთ დამატენიანებელი კრემი პროცედურის შემდეგ. ეს გასაოცარი ნიღაბი შესძენს თქვენს კანს საოცარ სილამაზეს, სიგლუვესა და ბზინვარებას.
გასაოცარია, თუ რამდენ უპირატესობას ფლობს ჩვენი ჯანმრთელობისთვის მეფუტკრეობის ეს ღირებული პროდუქტი, არა? თუ ჩვენ მიერ შემოთავაზებული ინფორმაცია სასარგებლოდ მიგაჩნიათ, აუცილებლად გაუზიარეთ ის საკუთარ მეგობრებს. გისურვებთ ყველაფერს საუკეთესოს!
