თუ ფიქრობთ, რომ აკნეს, ქერტლის ან თმის ცვენის დასამარცხებლად სხვადასხვა კოსმეტიკურ პროდუქტებსა და პროცედურებში რეგულარულად სოლიდური თანხის გადახდაა აუცილებელი, ძალიან ცდებით! დღეს მსურს, შეგახსენოთ ერთი იაფი და ხელმისაწვდომი პროდუქტის შესახებ, რომელსაც აქტიურად იყენებდნენ ჩვენი დიდი ბებიები ამ და სხვა არაერთი პრობლემის სამკურნალოდ.
დიახ, საუბარია კუპრის საპონზე, რომლის შემადგენლობაშიც საერთოდ არ შედის საღებავები და სხვა მავნე ქიმიური დანამატები. მისი სამკურნალო პოტენციალის შესახებ ფლობდნენ სრულ ინფორმაციას ჩვენი ბებიები, თუმცა, რატომღაც, დღესდღეობით ამ საოცარი პროდუქტის სასარგებლო თვისებების შესახებ ბევრს არაფერი სმენია.
კუპრის საპონი მზადდება არყის ხის ქერქისაგან, მისთვის დამახასიათებელია ნაკლებად სასიამოვნო სუნი და სპეციფიკური შავი შეფერილობა.
რატომ უნდა გადავიდეთ კუპრის საპონზე?
1. არაჩვეულებრივია სახის კანისთვის
თუ აკნე, გამონაყარი ან კანის ანთება გაწუხებთ, აუცილებლად ცადეთ კუპრის სპონი. რეგულარულად დაიბანეთ სახის კანი მისი გამოყენებით, რათა დააჩქაროთ დაზიანებული უჯრედების აღდგენის პროცესი, მოიშოროთ აკნე და ჩაახშოთ ანთება. კუპრის საპნისათვის დამახასიათებელია ანტიბაქტერიული ძლიერი თვისებები და ის არ იწვევს ალერგიულ რეაქციებს.
2. სწრაფად ამარცხებს ქერტლს
კუპრის საპონი სტიმულირებს თავის კანზე გაჩენილი პატარა ბზარების შეხორცების პროცესს. უნიკალური, სასარგებლო კომპონენტების მაღალი შემცველობის ხარჯზე, ის სწრაფად უმკლავდება ქერტლს და საიმედოდ გვიცავს მომავალში მისი განვითარებისგან.
გარდა ამისა, აუცილებლად უნდა ავღნიშნოთ ის ფაქტიც, რომ მოცემული პროუქტი აძლიერებს თმის ძირებს და საგრძნობლად ამცირებს თმის ცვენას. დაიბანეთ თავი ამ საპნით რეგულარულად, რათა წარსულში მოტივოტოთ ქერტლისა და თმის ცვენის პრობლემა.
3. კურნავს კანის დაავადებებს
დერმატიტი, ეგზემა, ფსორიაზი – ეს ის დაავადებებია, რომელთა არსებობის შემთხვევაში კუპრის საპნის გამოყენებაა რეკომენდებული. როგორც უკვე ვახსენეთ, მოცემული პროდუქტი სტიმულირებს კანის აღდგენა-რეგენერაციის პროცესს და სისხლის მიდინებას კანის ზედა ფენებში.
4. ინტიმური ჰიგიენა
კუპრის საპონი საიმედოდ გვიცავს სხვადასხვა ინფექციებისგან, ვირუსებისა და სოკოებისგან. რეგულარულად დაიბანეთ სხეულის ინტიმური ნაწილები ამ პროდუქტის გამოყენებით.
5. სწრაფად ახორცებს ჭრილობებს
თუ რაიმე სახის ჭრილობა მიიღეთ, გახსოვდეთ, რომ კუპრის საპონი ერთ-ერთი საუკეთესო მადეზინფიცირებელი საშუალებაა. გარდა ამისა, ის საგრძნობლად აჩქარებს ჭრილობის შეხორცების პროცესს.
6. გვიცავს ოფლისგან
თუ ჭარბოფლიანობა თქვენთვის კარგად ნაცნობი პრობლემაა, კუპრის საპონი ამ შემთხვევაშიც აუცილებლად დაგეხმარებათ. რეგულარულად დაიბანეთ იღლიები და ფეხები მისი გამოყენებით, რათა წარსულში მოიტოვოთ მოჭარბებული ოფლისა და უსიამოვნო სუნის პრობლემა.
7. ანადგურებს პარაზიტებს
საკმაოდ ხშირია ბავშვებში ტილების გაჩენის პრობლემა. თუ გსურთ, უმკურნალოთ თქვენს პატარას ისე, რომ საიმედოდ დაიცვათ ის ქიმიური პრეპარატების მავნე ზეგავლენისაგან, აუცილებლად გამოიყენეთ კუპრის საპონი.
8. სოკოვანი ინფექცია
კუპრის საპონი არაჩვეულებრივი საშუალებაა სოკოვანი ინფექციის სამკურნალოდ და მისი პროფილაქტიკისთვის. დღის განმავლობაში რამდენჯერმე კარგად დაიმუშავეთ კანის დაინფიცირებული მონაკვეთები კუპრის საპნით, გაიჩერეთ ქაფი 10-15 წუთით და შემდეგ ჩამოიბანეთ. ჩაიტარეთ ეს პროცედურა რაც შეიძლება ხშირად. აუცილებლად უნდა გამოიჩინოთ მოთმინება, რადგან სოკოვანი ინფექციის ბოლომდე სამკურნალოდ საკმაოდ დიდი დრო და რეგულარული პროცედურებია აუცილებელი.
ახლა თქვენ იცით, თუ რამდენად სასარგებლო პროდუქტია კუპრის საპონი, რომელიც საპნის სხვა სახეობებისგან განსხვავებით, საერთოდ არ შეიცავს საღებავებსა და სხვა მსგავს მავნე დანამატებს. ძალიან დიდი იმედი მაქვს, ეს ინფორმაცია თქვენთვის სასარგებლო აღმოჩნდება. თუ მოგეწონათ სტატია, აუცილებლად გაუზიარეთ ის მეგობრებსაც!
