შემოგთავაზებთ რეცეპტს, რომლის საშუალებით მოამზადებთ უგემრიელეს და საოცრად არომატულ კეტჩუპს.
მოსამზადებლად დაგჭირდებათ შემდეგი ინგრედიენტები:
- პამიდორი 3 კგ
- ვაშლი ნახევარი კგ
- ხახვი 250 გრ
- მარილი გემოვნებით
- შაქარი 1,5 ჩ. ჭ.
- ვაშლის ძმარი 50 მლ
- დაფქული წითელი წიწაკა გემოვნებით
- შავი პილპილი წმინდად დაფქული გემოვნებით
- სურნელოვანი პილპილი 5-6 მარცვალი წმინდად დაფქული
მომზადების წესი:
- პამიდორს დაასხით ცხელი წყალი და გააჩერეთ რამდენიმე წუთი. შემდეგ გაფცქვენით და დაჭერით.
- ვაშლი გათალეთ და დაჭერით. ხახვი გაფცქვენით და დაჭერით.
- მოცემული ინგრედიენტები დააბლენდერეთ, გადაიტანეთ სქელძირიან ქვაბში, დადგით საშუალო ცეცხლზე და აადუღეთ. შემდეგ დაუწიეთ და დაბალ ცეცხლზე ადუღეთ 45-50 წუთი.
- ბოლოს დაამატეთ შაქარი, მარილი, წითელი წიწაკა და ვაშლის ძმარი. თქვენი გემოვნებით დაამატეთ შავი პილპილი, სურნელოვანი პილპილი და ადუღეთ კიდევ 10-15 წუთი.
- ცხელი კეტჩუპი გადაიტანეთ გასტერილებულ ქილებში და მჭიდროდ დაახურეთ ხუფები.
შეგიძლიათ გამოიყენოთ როგორც მჟავე ვაშლი, ისე_ ტკბილი. თუ გსურთ, დაამატეთ ცოტა ნიორი ან წითელი ბულგარული წიწაკა.
გემრიელად მიირთვით! არ დაგავიწყდეთ თქვენი ცოდნისა და გამოცდილების გაზიარება კომენტარების ველის მეშვეობით. როგორ ამზადებთ კეტჩუპს თქვენ?
