გასწავლით, როგორ მოვამზადოთ ჩიზქეიქი ,,ზებრა”. ბავშვობის დაუვიწყარი გემოს საოცარი გარდასახვა

თუ გსურთ მარტივად მოსამზადებელი დესერტი, გირჩევთ, მოამზადოთ მადისაღმძვრელი და უგემრიელესი ,,ზებრა“.

მოსამზადებლად დაგჭირდებათ შემდეგი ინგრედიენტები:

• ხაჭო 500 გრ
• კვერცხი 4 ცალი
• იოგურტი 120 გრ
• კაკაოს ფხვნილი 1 ს. კ.
• ვანილი
• შაქარი გემოვნებით

მომზადების წესი:

1. ხაჭო და იოგურტი დააბლენდერეთ. როდესაც მასა გახდება ერთგვაროვანი, დაამატეთ კვერცხი, ვანილი და დააბლენდერეთ დაბალ სიჩქარეზე.
2. მიღებული მასა გაყავით ორ ნაწილად. ერთ ნაწილს შეურიეთ კაკაო. თეთრი და შავი მასები მონაცვლეობით ჩაასხით საცხობ ფორმაში.
3. ღუმელი გააცხელეთ 180 გრადუს ტემპერატურაზე. გამოსაცხობად დასჭირდება 1 საათი. ფორმიდან ამოიღეთ გაგრილების შემდეგ.

მოამზადეთ უმარტივესი ჩიზქეიქი და გემრიელად მიირთვით!