რთულად მოიძებნება ისეთი ადამიანი, რომელიც საზამთროს მიმართ გულგრილი დამოკიდებულებით გამოირჩევა. იცოდით, რომ მას ძალიან დადებითი გავლენა აქვს ჩვენს ორგანიზმზე და მისი პრაქტიკუალდ ყველა სისტემის მუშაობაზე?
თუ საზამთროს მოყვარული ხართ, აუცილებლად განაგრძეთ სტატიის კითხვა, თქვენთვის სასიხარულო ინფორმაცია გვაქვს.
1. აძლიერებს გულის კუნთს
ლიკოპინი – ერთ-ერთი უძლიერესი ბუნებრივი ანტიოქსიდანტი, რომელიც ხილს წითელ და მოყვითალო შეფერილობას აძლევს. საზამთრო წარმოადგენს ამ ნივთიერების უდიდეს ბუნბრივ წყაროს, რომელიც აძლიერებს გულის კუნთს და ამცირებს ინსულტის განვითარების რისკს.
2. თვალები
საზამთრო მდიდარია A ვიტამინით, რომელიც აუცილებელია კარგი მხედველობისათვის. საკმაოდ მაღალია მასში C ვიტამინის შემცველობაც, რომელიც თავიდან გვარიდებს კატარაქტის განვითარებას.
3. იმუნური სისტემა
C და ვიტამინ B6-ის მაღალი შემცველობის ხარჯზე, საზამთრო აძლიერებს იმუნურ სისტემას და გვიცავს სხვადასხვა დაავადებების განვითარებისგან.
4. ძვლები
ლიკოპინი, რომელიც შედის საზამთროს შემადგენლობაში, აუცილებელია ძვლების ჯანმრთელობისთვის. მიირთვით ეს ხილი დიდი რაოდენობით, რათა თავიდან აირიდოთ ოსტეოპოროზი და გაიძლიეროთ საყრდენ-მამოძრავებელი სისტემა.
5. კანი
ძალიან სასარგებლო გავლენა აქვს მას ჩვენს კანზე. საზამთროს შემადგენლობაში შემავალი ანტიოქსიდანტები ანადგურებს თავისუფალ რადიკალებს. სწორედ თავისუფალი რადიკალებია ნაადრევი დაბერების, კოლაგენის განადგურებისა და ნაოჭების გაღრმავების მიზეზი.
6. კუნთები
L-ციტრულინი – საზამთროს შემადგენლობაში შემავალი ამინომჟავა, რომელიც ამცირებს კუნთების ტკივილს და თავიდან გვარიდებს სპაზმებს.
7. არტერიული წნევა
საზამთროში შემავალი ამინომჟავები და ფერმენტები აფართოვებს სისხლძარღვებს და აუმჯობესებს სისხლის მიმოქცევას, რაც თავის მხრივ ამცირებს სისხლის წნევას.
8. კუჭი
რეგულარულად საზამთროს მირთმევას დადებითი გავლენა აქვს კუჭ-ნაწლავის ტრაქტის მუშაობაზე, რადგან ის შეიცავს დიდი რაოდენობით უჯრედისს.
როგორც ხედავთ, ჩვენთვის საყვარელი საზამთრო ძალიან სასარგებლოა ზოგადი ჯანმრთელობისთვის. მიირთვით ნატურალური პროდუქტი რეგულარულად, რათა მიიღოთ არაერთი სარგებელი.
დიდი იმედი მაქვს, ეს ინფორმაცია გამოგადგებათ. თუ მოგეწონათ სტატია, აუცილებლად გაუზიარეთ ის მეგობრებსაც. გისურვებთ ჯანმრთელობას!
