შოკოლადის სამარხვო ტორტი კვერცხისა და რძის გარეშე. ძალიან ნაზი და გემრიელია

437

შემოგთავაზებთ შოკოლადის დესერტის რეცეპტს. მინიმალური ინგრედიენტებით გამოაცხობთ კაკაოს არომატით გაჯერებულ  უგემრიელეს სამარხვო ნამცხვარს. რაც მთავარია, მოსამზადებლად უმარტივესია და რამდენიმე წუთში შეძლებთ საყვარელი ადამიანების გამასპინძლებას.

ბისკვიტის მოსამზადებლად დაგჭირდებათ შემდეგი ინგრედიენტები:

  • ფქვილი 3 ჩ. ჭ.
  • შაქარი 2 ჩ. ჭ.
  • ცივი წყალი 1,5 ჩ. ჭ.
  • სოდა 1,5 ჩ. კ.
  • ძმარი 2 ს. კ.
  • მარილი ნახევარი ჩ. კ.
  • ზეთი 1 ჩ. ჭ.
  • კაკაო ნახევარი ჩ. ჭ.
  • ვანილინი 12 გრ
  • კონიაკი 1-2 ს. კ.

მინანქრის მოსამზადებლად დაგჭირდებათ შემდეგი ინგრედიენტები:

  • შაქარი 4 ს. კ.
  • კაკაო 3 ს. კ.
  • წყალი ჭიქა-ნახევარი
  • სახამებელი 2 ს. კ.

მომზადების წესი:

  1. გაცრილ ფქვილს დაამატეთ მარილი, სოდა, შაქარი, კაკაო, ვანილინი და აურიეთ.
  2. დაასხით ძმარი, კონიაკი, ზეთი, წყალი და მოამზადეთ ცომი.
  3. საცხობ ფორმას წაუსვით ზეთი და ცომი თანაბრად გაანაწილეთ.
  4. ღუმელი გააცხელეთ 170-180 გრადუს ტემპერატურაზე. გამოსაცხობად დასჭირდება 25-30 წუთი.
  5. გაგრილების შემდეგ ბისკვიტი ამოიღეთ ფორმიდან და გადაიტანეთ ლანგარზე.
  6. ამზადებთ მინანქარს: დაგჭირდებათ სქელძირიანი ქვაბი. კაკაო და შაქარი აურიეთ. ნაწილ-ნაწილ დაასხით ჭიქა-ნახევარი წყალი და ურევთ ერთგვაროვანი მასის მიღებამდე.
  7. 2 ს. კ. სახამებელი გახსენით მეოთხედ ჭიქა თბილ წყალში და ნელ-ნელა შეურიეთ კაკაოს მასას.
  8. ქვაბი დადგით დაბალ ცეცხლზე და ურევთ განუწყვეტლივ.
  9. როგორც კი მასა დაიწყებს გასქელებას, გადმოდგით ცეცხლიდან და თბილი მოასხით ბისკვიტს.

შეგიძლიათ თქვენი გემოვნების მიხედვით მოაყაროთ გახეხილი შოკოლადი, დაჭრილი ნიგოზი, ნუშის ან ქოქოსის ფანტელი.

გემრიელად მიირთვით და ისიამოვნეთ!