შემოგთავაზებთ რეცეპტს უკრაინული სამზარეულოდან, რომლის მიხედვით, შეძლებთ კომბოსტოს უგემრიელესი, ხრაშუნა და არომატული მწნილის მომზადებას.
მოსამზადებლად დაგჭირდებათ შემდეგი ინგრედიენტები:
- კომბოსტო 1,5 კგ
- ჭარხალი (საშუალო) 2 თავი
- სტაფილო (საშუალო) 1 ცალი
- ნიორი 5-6 კბილი
- მსხვილი მარილი 3 ს. კ.
- შაქარი 150 გრ
- ძმარი 9%-იანი 150 მლ
- ზეთი 6 ს. კ.
- წყალი 1,5 ლ
მომზადების წესი:
- კომბოსტო დაჭერით საშუალო ზომის ნაჭრებად. თუ პატარა თავები გაქვთ ნაყიდი, გაყავით 4 ნაწილად.
- ჭარხალი და სტაფილო დაჭერით საშუალო ზომის კუბიკებად.
- ნიორი დაჭერით თხელ ფირფიტებად.
- მოცემული ინგრედიენტებით შეძლებთ სამლიტრიანი ქილის მომზადებას.
- ქილაში მჭიდროდ და ფენა-ფენა ჩააწყვეთ კომბოსტო, ჭარხალი, სტაფილო, ნიორი და დაასხით ზეთი.
- ამზადებთ მარინადს: წყალს დაამატეთ მარილი, შაქარი და აადუღეთ. ბოლოს დაასხით ძმარი და აადუღეთ.
- მზა მარინადი გადმოდგით ცეცხლიდან და გააჩერეთ 5 წუთი. ქილა გაავსეთ მარინადით და დაახურეთ ხუფი. 1 დღე გააჩერეთ ოთახის ტემპერატურაზე. შემდეგ ქილა დადეთ სიგრილეში.
კომბოსტოს მწნილი გამოდის ხრაშუნა და არომატული. მოამზადეთ და გემრიელად მიირთვით!
