შემოგთავაზებთ შოკოლადისა და ვაშლის საოცარი არომატების შერწყმით მომზადებული უგემრიელესი დესერტის რეცეპტს. ფქვილის ნაცვლად იყენებთ მანანის ბურღულს.
საჭირო ინგრედიენტები:
- ვაშლი 3 ცალი
- კარაქი 50 გრ
- შაქარი მეოთხედი ჩ. ჭ.
- მანანის ბურღული 200 გრ
- შაქარი 150 გრ
- კვერცხი 2 ცალი
- უცხიმო კეფირი 250 მლ
- სოდა 1 ჩ. კ.
- კაკაო 20 გრ
მომზადების წესი:
- კეფირს დაამატეთ კვერცხი, 150 გრ შაქარი, კაკაო, სოდა, მანანი აურიეთ და გააჩერეთ გასქელებამდე.
- ვაშლი გათალეთ და თითოეული დაჭერით საშუალო ზომის ნაჭრებად. შემდეგ ვაშლის ნაჭრები ჩააწყვეთ გამდნარ კარაქში, მოაყარეთ მეოთხედი ჩ. ჭ. შაქარი და აურიეთ. გააჩერეთ 10 წუთი.
- საცხობ ფორმაში ჩააფინეთ ფოლგა. ფოლგა ამოიტანეთ გვერდებზეც და წაუსვით ცხიმი. ფორმის ძირზე დააწყვეთ კარამელიზებული ვაშლის ნაჭრები და ზემოდან მოასხით შოკოლადის ცომი.
- ღუმელი გააცხელეთ 180 გრადუს ტემპერატურაზე. გამოსაცხობად დასჭირდება 25 წუთი.
ღვეზელი ამოიღეთ ფორმიდან და ამოაბრუნეთ. გაგრილების შემდეგ დაფარეთ შაქრის ფხვნილით და გემრიელად მიირთვით!
