შემოგთავაზებთ არაჟნის კრემით მომზადებული უნაზესი და უგემრიელესი ტორტის რეცეპტს. აცხობთ შავ-თეთრ ბისკვიტებს, აქუცმაცებთ საშუალო ზომის ნაჭრებად და აწყობთ მონაცვლეობით. აქედან გამომდინარე უწოდებენ ტორტს ,,ხუჭუჭას“.
ბისკვიტების მოსამზადებლად დაგჭირდებათ შემდეგი ინგრედიენტები:
- კვერცხი 2 ცალი
- არაჟანი 210 გრ
- შესქელებული რძე 100 გრ
- შაქარი 160 გრ
- კაკაო 20 გრ
- გამაფხვიერებელი 1 ჩ. კ.
- ფქვილი 200 გრ
- მარგანინი 40 გრ
კრემის მოსამზადებლად დაგჭირდებათ შემდეგი ინგრედიენტები:
- არაჟანი (30%-იანი ცხიმიანობის) 300 გრ
- შაქრის ფხვნილი 150 გრ
- მინანქრის მოსამზადებლად დაგჭირდებათ:
- შოკოლადი 100 გრ
- კარაქი 50 გრ
მომზადების წესი:
- გაცრილ ფქვილს დაამატეთ გამაფხვიერებელი, შაქარი და აურიეთ. შემდეგ შეათქვიფეთ კვერცხი, არაჟანი, შესქელებული რძე. თქვეფთ 5 წუთის განმავლობაში. მომზადებული მასა გაყავით 2 ნაწილად. ერთ ნაწილს შეურიეთ კაკაო.
- საცხობ ფორმას წაუსვით ცხიმი, მოაყარეთ ფქვილი და ცალ-ცალკე გამოაცხვეთ ბისკვიტები. ღუმელი გააცხელეთ 190 გრადუს ტემპერატურაზე. გამოსაცხობად დასჭირდება 35-35 წუთი.
- ამზადებთ კრემს: არაჟანს დაამატეთ შაქრის ფხვნილი და მიქსერის მაქსიმალურ სიჩქარეზე თქვეფთ 3 წუთი.
- გამომცხვარი ბისკვიტები დატეხეთ და ნატეხები დააწყვეთ მონაცვლეობით: თეთრი, შავი და ა. შ. პირველ ფენას წაუსვით არაჟნის კრემი და მეორე ფენად მოაწყვეთ შავ-თეთრი ბისკვიტები, შემდეგ_ კრემი და ასე აგრძელებთ ბისკვიტების ნატეხების ამოწურვამდე. ფენებს აწყობთ ისე, რომ ნამცხვარს მისცეთ კონუსის ფორმა. ტორტი გარედან დაფარეთ კრემით.
- შოკოლადს დაამატეთ კარაქი, გაადნეთ ორთქლის აბაზანაზე ან მიკროტალღურ ღუმელში და მოასხით კრემზე.
ტორტი რამდენიმე საათით შედეთ მაცივარში და შემდეგ გემრიელად მიირთვით!
