ჩაიკითხავთ ინგრედიენტების ჩამონათვალს და შეიძლება გაგიკვირდეთ, რა უნდა გამოვიდეს უკვერცხოდ, გამაფხვიერებლის ან სოდის გარეშე. აუცილებლად ცადეთ, მოამზადეთ და ისიამოვნეთ უგემრიელესი, ფხვიერი, ნაზი ორცხობილებით.
მოსამზადებლად დაგჭირდებათ შემდეგი ინგრედიენტები:
- კარაქი 250 გრ
- შაქრის ფხვნილი 1 ჩ. ჭ.
- ზეთი 80 მლ
- სახამებელი 4 ს. კ.
- ფქვილი 3,5 ჩ. ჭ.
- ვანილის შაქარი 10 გრ
მომზადების წესი:
- ღრმა თასში მოათავსეთ დარბილებული კარაქი, დამატეთ ნახევარი ჩ. ჭ. შაქრის ფხვნილი, ზეთი და დააბლენდერეთ ან ათქვიფეთ მიქსერით.
- თანდათან დაამატეთ სახამებელი, 1 ჩ. ჭ. ფქვილი და კარგად აურიეთ. შემდეგ ამატებთ კიდევ 1 ჭიქა ფქვილს და ურევთ კოვზით.
- სამუშაო ზედაპირზე დაყარეთ 1 ჭიქა ფქვილი და გადმოიტანეთ ცომი. ზელთ ხელით და ნაწილ-ნაწილ ამატებთ დარჩენილ ფქვილს.
- მომზადებული ცომი გაყავით სამ ნაწილად. თითოეული ნაწილისგან გამოხელეთ მრგვალი გრძივი გუნდები და დაჭერით რგოლებად.
- საცხობ ფორმაზე დააფინეთ პერგამენტის ქაღალდი და ორცხობილები თანაბრად გაანაწილეთ.
- ღუმელი გააცხელეთ 180 გრადუს ტემპერატურაზე. გამოსაცხობად დასჭირდება 15 წუთი.
- ორცხობილები გადმოიტანეთ ლანგარზე და ცხელს მოაყარეთ შაქრის ფხვნილი.
ორცხობილები გამოდის ძალიან ნაზი, ფხვიერ და საოცრად გემრიელი. თუ კარაქს ჩაანაცვლებთ მარგანინით, მოამზადებთ სამარხვო ორცხობილებს.
გემრიელად მიირთვით!
