შემოგთავაზებთ მარტივად მოსამზადებელი ძალიან გემრიელი, ფუმფულა და ჰაეროვანი ნამცხვრის რეცეპტს.
მოსამზადებლად დაგჭირდებათ შემდეგი ინგრედიენტები:
- მანანის ბურღული 1 ჩ. ჭ.
- შაქარი 1 ჩ. ჭ.
- კეფირი 2 ჩ. ჭ.
- ზეთი ნახევარი ჩ. ჭ.
- ფქვილი 1 ჩ. ჭ.
- გამაფხვიერებელი 1 ჩ. კ.
- კაკაო 2 ს. კ.
- ფქვილი 2 ს. კ.
მომზადების წესი:
1. შაქარი, კეფირი და მანანი ათქვიფეთ და გააჩერეთ 15 წუთი. შემდეგ დაამატეთ ზეთი, გაცრილი ფქვილი, გამაფხვიერებელი და ურევთ ერთგვაროვანი მასის მიღებამდე.
2. მზა ცომი გაყავით ორ ნაწილად. ერთ ნაწილს შეურიეთ 2 ს. კ. კაკაო, ხოლო მეორეს_2 ს. კ. ფქვილი.
3. საცხობ ფორმას წაუსვით ზეთი და დაასხით ჯერ ერთი კოვზი თეთრი ცომი, შემდეგ_ ერთი კოვზი კაკაოს ცომი და ასე მონაცვლეობით გაანაწილეთ ამოწურვამდე.
4. შემდეგ ცომს კბილის ჩხირით აურიეთ და მიეცით თქვენთვის სასურველი ფორმა.
5. ღუმელი გააცხელეთ 180 გრადუს ტემპერატურაზე. გამოსაცხობად დასჭირდება 35-40 წუთი.
6. ძალიან გემრიელი, ლამაზი, ფუმფულა და ჰაეროვანი ნამცხვარი ძალიან უხდება ჩაის.
გემრიელად მიირთვით და ისიამოვნეთ!
