ბლინების დესერტის ახალი ვარიაცია საოცრებაა. უგემრიელესი მინანქრით დაფარული შოკოლადის ბლინების რულეტი ძალიან ჰგავს პოპულარულ დესერტს პოლენოს. მზადდება სწრაფად და გამოიყურება ძალიან შთამბეჭდავად. განსაკუთრებით ლამაზია დაჭრილი.
ბლინების ცომის მოსამზადებლად დაგჭირდებათ შემდეგი ინგრედიენტები:
- კვერცხი 4 ცალი
- მარილი ნახევარი ჩ. კ.
- ვანილი მწიკვი
- შაქარი 1,5 ჩ. ჭ.
- კაკაო 45 გრ
- რძე 300 მლ
- ფქვილი 150 გრ
კრემის მოსამზადებლად დაგჭირდებათ შემდეგი ინგრედიენტები:
- კარაქი 45 გრ
- კრემ-ყველი 5 ს. კ.
- მოხარშული შესქელებული რძე 4 ს. კ.
- 10 ცალი ,,ორეოს“ ორცხობილა
- მინანქრის მოსამზადებლად დაგჭირდებათ შემდეგი ინგრედიენტები:
- შავი შოკოლადი 100 გრ
- ნაღები 33%-იანი ცხიმიანობის 100 გრ
- დაქუცმაცებული მიწის თხილი 60 გრ
მომზადების წესი:
1. კვერცხი, მარილი, შაქარი და ვანილი ათქვიფეთ.
2. დაამატეთ კაკაო და ურევთ ერთგვაროვანი მასის მიღებამდე.
3. შემდეგ შეურიეთ რძე და ნაწილ-ნაწილ შეაზილეთ გაცრილი ფქვილი. მიიღებთ თხელ ცომს.
4. ბლინები გამოაცხვეთ ჩვეულებრივი წესის მიხედვით. ტაფას აუცილებლად წაუსვით კარაქი ან დაასხით ცოტა ზეთი.
5. მთელი ცომით მოამზადეთ თხელი ბლინები.
6. ამზადებთ კრემს: კრემ-ყველს დაამატეთ მოხაშული შესქელებული რძე და ათქვიფეთ მიქსერის მაქსიმალურ სიჩქარეზე.
7. ,,ორეოს“ ორცხობილები საშუალო ზომის ნატეხებად დააქუცმაცეთ.
8. ფოლგაზე დადეთ 1 ცალი ბლინი და თხელ ფენად წაუსვით კრემი.
9. ასე ფენა-ფენა გააგრძლეთ მომზადებული ბლინების ამოწურვამდე. შიგადაშიგ, ფენებს შორის, მოაყარეთ დაქუცმაცებული ორცხობილა.
10. შემდეგ გადაახვიეთ რულეტივით, მჭიდროდ შემოახვიეთ ფოლგა და 4 საათით შედეთ მაცივარში.
11. ამზადებთ მინანქარს: გააცხელეთ ნაღები, დაამატეთ დაქუცმაცებული შოკოლადი და ურევთ ერთგვაროვანი მასის მიღებამდე. შემდეგ შეურიეთ მიწის თხილი.
12. რულეტი გამოიღეთ მაცივრიდან, მოხსენით ფოლგა და დაფარეთ მომზადებული მინანქრით.
13. რულეტი გადაიტანეთ ლანგარზე და 30-40 წუთით შედეთ მაცივარში.
14. უგემრიელესი და ულამაზესი დესერტი დაჭერით და ისიამოვნეთ.
გემრიელად მიირთვით!
