შემოგთავაზებთ ნაზი, ჰაეროვანი, ფუმფულა, არომატული და უგემრიელესი ფუნთუშების რეცეპტს.
ცომის მოსამზადებლად დაგჭირდებათ შემდეგი ინგრედიენტები:
- ფქვილი 1 კგ
- შაქარი 150 გრ
- მარილი 2 ჩ. კ.
- საფუარი 20 გრ
- თბილი რძე 500 მლ
- დარბილებული კარაქი 150 გრ
- ზეთი 2 ს. კ.
- კვერცხი 2 ცალი
- ვანილის შაქარი 1 შეფუთვა
გულსართის მოსამზადებლად დაგჭირდებათ შემდეგი ინგრედიენტები:
- კარაქი 50 გრ
- მოხალული და გატარებული ნიგოზი 200 გრ
- შაქარი 80 გრ
- რძე 1-2 ს. კ.
- დარიჩინი 1 ჩ. კ.
ცომის მომზადების წესი:
- გაცრილი ფქვილი ჩაყარეთ ღრმა თასში.
- საფუარი გახსენით თბილ რძეში. შემდეგ დაამატეთ შაქარი, ვანილი, კვერცხი და ათქვიფეთ სათქვეფით. მომზადებული მასა დაასხით ფქვილს, დაამატეთ მარილი და დარბილებული კარაქი.
- მოზილეთ რბილი, ელასტიური ცომი. ზემოდან მოასხით ზეთი და კიდევ ერთხელ ჩაზილეთ. თასს გადააფარეთ საკვების პარკი და დადეთ სითბოში. ასაფუებლად დასჭირდება 2 საათი.
- გულსართის მოსამზადებლად გამდნარ კარაქს დაამატეთ შაქარი, ნიგოზი და იმ რაოდენობის რძე, რომ მიიღოთ სქელი ფაფისებური მასა. თუ გსურთ, დაამატეთ ქიშმიშიც.
- ცომი გადმოიტანეთ ფქვილმოყრილ ზედაპირზე და გააბრტყელეთ საშუალო სისქის ოთხკუთხედ ფენად. ფენაზე თანაბრად გაანაწილეთ მომზადებული გულსართი. აქ ჩასვი სურათი 2 ცალი
- ცომი ერთი ბოლოდან გადმოკეცეთ შუა ნაწილამდე. შემდეგ ზემოდან გადმოადეთ მეორე ნაწილი და დაჭერით ზოლებად. აქაც ჩასვი სურათი
- თითოეული ნაწილი დაგრიხეთ და დააწყვეთ საცხობ ფორმაზე. დაიცავით მანძილი. საცხობ ფორმაზე დააფინეთ პერგამენტის ქაღალდი. აქაც ჩასვი
- კვერცხის გული ათქვიფეთ, დაამატეთ 1 ს. კ. რძე. მომზადებული მასა გადაუსვით ფუნთუშებს და თბილ ადგილას გააჩერეთ 20 წუთი.
- ღუმელი გააცხელეთ 180 გრადუს ტემპერატურაზე. გამოსაცხობად დასჭირდება 25-30 წუთი.
ოქროსფრად დაბრაწული ფუმფულა ფუნთუშები საოცარ სურნელს აფრქვევს. გემრიელად მიირთვით და ისიამოვნეთ!
