როგორ მოვამზადოთ კარტოფილის ფრი ზეთის გარეშე

441

შემოგთავაზებთ რეცეპტს, რომლის მიხედვით, შეძლებთ კარტოფილის ფრის ზეთის გარეშე მომზადებას.

საჭირო ინგრედიენტები:

  • კარტოფილი 6-8 ცალი
  • 2 ცალი კვერცხის ცილა
  • მარილი გემოვნებით
  • პაპრიკა (ტკბილი) გემოვნებით
  • დაფქული შავი პილპილი გემოვნებით

მომზადების წესი:

  1. კარტოფილი გათალეთ და დაჭერით 1 სმ სისქის ჩხირებად.
  2. კვერცხის ცილა ოდნავ ათქვიფეთ.
  3. დაამატეთ შავი პილპილი, პაპრიკა, მარილი გემოვნებით და ათქვიფეთ.
  4. კარტოფილს დაასხით ცილა და კარგად აურიეთ.
  5. ღუმელი გააცხელეთ 200 გრადუს ტემპერატურაზე. საცხობ ფორმაზე დააფინეთ პერგამენტის ქაღალდი და მზა კარტოფილი თანაბრად დააწყვეთ.
  6. ფორმა შედეთ ცხელ ღუმელში. მოსამზადებლად დასჭირდება 10-15 წუთი.

მოამზადეთ ოქროსფრად დაბრაწული ფრი და გაახარეთ თქვენი პატარები!