როგორ მოვამზადოთ კომბოსტოსა და ჭარხლის მარინადი მარტივი რეცეპტით. გამოდის ძალიან გემრიელი და არომატული

257

თუ გიყვართ კომბოსტოს მჟავე, შემოთავაზებული რეცეპტი აუცილებლად დაგაინტერესებთ.

კომბოსტოს ხრაშუნა, გემრიელ და საოცრად არომატულ მჟავეს ძალიან სწრაფად და მარტივად მოამზადებთ.

საჭირო ინგრედიენტები:

  • კომბოსტო 2 კგ
  • ჭარხალი 2-3 თავი
  • სტაფილო 2 ცალი
  • ნიორი 3-4 კბილი

მარინადის მოსამზადებლად დაგჭირდებათ შემდეგი ინგრედიენტები:

  • წყალი 1 ლ
  • შაქარი 100 გრ
  • ზეთი 100 მლ
  • ძმარი 9%-იანი 100-120 მლ
  • მარილი 2,5-3 ს. კ.
  • შავი პილპილის 4-5 მარცვალი
  • სურნელოვანი პილპილის 4-5 მარცვალი
  • დაფნის ფოთოლი 3 ცალი
  • ლიმონის 2-3 ნაჭერი

მომზადების წესი:

  1. კომბოსტო დაჭერით წვრილად.
  2. სტაფილო და ჭარხალი გახეხეთ მსხვილ სახეხზე.
  3. ნიორი დაჭყლიტეთ.
  4. მზა ინგრედიენტები აურიეთ და გადაიტანეთ მინის ჭურჭელში.
  5. ამზადებთ მარინადს:
  6. წყალი ჩაასხით ქვაბში, შეურიეთ შაქარი, მარილი, დაფნის ფოთლები, შავი და სურნელოვანი პილპილის მარცვლები და აადუღეთ.
  7. ადუღების შემდეგ შეურიეთ ზეთი, ძმარი და გადმოდგით ცეცხლიდან.
  8. ცხელი მარინადით გაავსეთ ქილა, დაადეთ ლიმონის ნაჭრები და გააგრილეთ ოთახის ტემპერატურაზე. შემდეგ ქილა დადეთ სიგრილეში.
  9. გააჩერეთ 2-3 დღე და შემდეგ გემრიელად მიირთვით!

შეგიძლიათ მოამზადოთ ცივი წყლით, მაგრამ დასამჟავებლად მეტი დრო დასჭირდება.