შემოგთავაზებთ ძალიან გემრიელი, არომატული და მარტივად მოსამზადებელი საწებლების რეცეპტებს, რომლებიც საღებავებითა და მავნე დანამატებით გაჯერებული კომერციული პროდუქტების იდეალური ალტერნატივაა. რეცეპტები საკმაოდ ძველია და თაობიდან თაობებს გადაეცამა.
პამიდვრის სოუსი ვაშლის ძმრით
მოსამზადებლად დაგჭირდებათ შემდეგი ინგრედიენტები:
- პამიდორი 3,6 კგ
- მარილი გემოვნებით
- შაქარი 160 გრ
- შავი პილპილი დაფქული 1 ჩ. კ.
- დარიჩინი დაფქული 1 ჩ. კ.
- მუსკატის კაკალი დაფქული 5 გრ
- ვაშლის ძმარი 60-80 მლ
მომზადების წესი:
- პამიდორს დაასხით ცხელი წყალი, გაფცქვენით, დაჭერით და დააბლენდერეთ. შემდეგ გადაიტანეთ სქელძირიან ქვაბში, დადგით დაბალ ცეცხლზე და თუშეთ 3-4 საათი. შიგადაშიგ მოურიეთ ხოლმე. მასა უნდა განახევრდეს.
- სრულ მომზადებამდე ნახევარი საათით ადრე დაამატეთ მარილი და შაქარი.
- სანელებლები დაამატეთ მომზადებამდე 10 წუთით ადრე.
- ბოლოს დაამატეთ ვაშლის ძმარი და ადუღეთ კიდევ 5 წუთი.
მზა სოუსი გაანაწილეთ გასტერილებულ ქილებში, დაახურეთ გასტერილებული ხუფები და გაგრილებამდე დააწყვეთ თავდაყირა.
სოუსი პამიდვრითა და ვაშლით
სოუსის მოსამზადებლად დაგჭირდებათ შემდეგი ინგრედიენტები:
- პამიდორი (ხორციანი) 800 გრ
- ტკბილი ვაშლი 300 გრ
- შავი პილპილი დაფქული ნახევარი ჩ. კ.
- ცხარე წითელი წიწაკა დაფქული მეოთხედი ჩ. კ.
- ჯავზი (მუსკატის კაკალი) დაფქული მეოთხედი ჩ. კ.
- დარიჩინი მეოთხედი ჩ. კ.
- მარილი გემოვნებით
- შაქარი ან თაფლი 1 ჩ. კ.
- ძმარი 2 ს. კ.
- ნიორი 3 კბილი
მომზადების წესი:
- პამიდორი დაჭერით და ჩაყარეთ ქვაბში. დაასხით ნახევარი ჭიქა წყალი და დადგით დაბალ ცეცხლზე. თუშეთ ნახევარი საათი.
- ვაშლი გათალეთ, დაჭერით, დაასხით ნახევარი ჭიქა წყალი, დადგით დაბალ ცეცხლზე და თუშეთ დარბილებამდე.
- ვაშლისა და პამიდვრის მასები აურიეთ, დაამატეთ დაჭრილი ნიორი და დააბლენდერეთ. მიღებული მასა გადაიტანეთ სქელძირიან ქვაბში და დაბალ ცეცხლზე თუშეთ 20-25 წუთი.
- დაამატეთ სანელებლები, მარილი, ძმარი და თუშეთ კიდევ 5 წუთი.
სოუსი გადაიტანეთ გასტერილებულ ქილებში, დაახურეთ გასტერილებული ხუფები და გაგრილებამდე დააწყვეთ თავდავდაყირა.
გემრიელად მიირთვით!
